ГлавнаяСвободная темаМинем китап киштәм

Минем китап киштәм

9 апреля 2018 - axmetowa.lilia2017@yandex.ru

“Үзенең бәхетенә һәм киләчәк куәтенә бару юлында кешелек тудырган барлык могжизаларның иң катлаулысы һәм бөеге, мөгаен, китаптыр… Китап безнең өчен җансыз бушлык дөньясыннан хәрәкәтчән тормыш дөньясына карый торган тәрәзә”-дип яза А.М.Горький.

Кадерле дусларым! Ә сез беләсезме?...

     Беренче кулъязма китаплар моннан 40 мең ел элек барлыкка килгән. Ул вакытларда ташка, агачка, металлга, сөяккә, төрле тукымаларга, балчыктан ясалган тактачыкларга, хәтта яфракларга, тузларга да язганнар.Аннары пергамент бик кыйммәткә төшкән. Аны папирус алыштырган. (Ул- тропик илләрдә үсә торган үсемлек.)

    Китап- кешеләрнең хәтере, юлдашы, киңәшчесе, теле, укытучысы. Китапсыз халык тарихсыз халыкка әйләнгән, ә тарихын оныткан халыкның киләчәге өзелгән. Шуңа күрә кайбер әһәмиятле китапларны кабат-кабат басканнар, аларны алтын-көмештән коеп саклаганнар. Монголиядә әнә шундый бер китап 460 килограмм көмеш һәм 52 килограмм алтыннан эшләнгән юка калайларга язылып калдырылган.

   Төрки халыклар да китап басу эшенә беренчеләрдән булып керешкәннәр. Соңрак татар халкы да үз китапларын булдырган. Революциягә хәтле татар телендә 12 мең исемнән артык китап басылып чыккан, аның гомуми тиражы 50 миллионга җиткән. Китап басу буенча татарлар руслардан гына калышкан.

    1865 елда Казанда шәһәр җәмәгать китапханәсе ачыла. Ә 1906 елда күренекле татар журналисты, тел галиме һәм җәмәгать эшлеклесе Әхмәтһади Максуди тырышлыгы белән әлеге китапханәнең мөселман филиалы булдырыла.

    Республикабызда хәзер бик күп китаханә эшли. Шуларның иң зурысы, иң матуры- Татарстан Республикасы Милли китапханәсе.

    Мин, Гөлназ Ахметова, китаплар укырга бик яратам. Шуның өчен мәктәп, авыл, шәһәр, районда урнашкан китапханәләрне үз итәм. Мин ашкынып йөрим, чөнки мине ул китапханәләрдә яңадан яңа кечкенә дусларым-китапларым көтә. Китапларны алганнан соң, аларны укып чыгып әти-әниемне, әбиемне  һәм энемне  андагы төрле әкият геройлары, андагы могҗизалы хикәяләр белән таныштырам. Шигырьләр укырга бик яратам. Бигрәк тә Резедә Вәлиева шигырьләрен зур кызыксыну белән укыйм.        

       Минем өемдә кечкенә китапханәчегем  бар. Анда Тукай, Алиш, Вәлиева, Пушкин, Андерсен һәм башка язучыларның иҗатлары урын алган.

    Китаплар нинди булуына карамастан, безне матурлыкны күрергә, яшәргә, яхшыны яманнан аерырга, аңларга өйрәтә; тәҗрибә тупларга, акыл эшчәнлеген үстерергә, һәм гомумән, шәхес буларак формалашырга булыша. Китап чын мәгънәсендә безнең якын дустыбыз!

  Язмамны Г.Тукайның шигыре белән тәмамлыйсым, фотосурәтләр белән раслыйсым килә.

 

Рейтинг: 0 37 просмотров
Комментарии (0)

Нет комментариев. Ваш будет первым!

tatbook.ru