Нәбиевлар гаиләсе.

 Мин Нәбиева Зәлия. Балтач урта мәктәбенең 3нче сыйныфында белем алам. "Мәдәни көндәлек" проектында өч ел катнашам. Бу проект барыбызны берләштерде. Конкурсларны калдырмыйча барысына да катнашырга тырыштым, күп диплом, грамоталар белән буләкләндем.

  Конкурсларга әнием ярдәме белән катнаштым, бергәләп рәсем ясадык, бергә видеолар төшердек. Әниемнең исеме - Сәрия. Минем әнием кибеттә эшли. Эштә аны бар кеше дә ярата, хөрмәт итә.

  Әтием-Ильнар. Ул төзүче булып эшли. Бик төгәл, бик уңган минем әтием. Әни үзенең назын бирсә, әти һәр яктан терәк булып тора. Әтиләрнең канат астында үзеңне көчле һәм иркен хис итәсең. Минем әтием дә бик яхшы, олы җанлы, әйбәт әти.Ул көннер буе эштән арып кайтса да, безнен белән уйнарга, безгә булышырга көч һәм вакыт таба.

  Ә минем абыемның исеме-Ислам. Ул 4нче сыйныфта белем ала. Минем якын дустым һәм терәгем. Кечкенәдән бергә дус, тату булдык. Уйнаган уенчыкларыбыз уртак иде. Ул минем сердәшчем һәм киңәшчем. 

  Абыемда конкурсларда бик теләп катнаша. Диплом, грамоталары бик күп.

  Минем кечкенә энем-Самат. Ул балалар бакчасына йөри. Мин аны бик яратам. Уйнатам, төрле әкиятләр сөйлим, китаплар укыйм.

  Безнең гаилә менә шундый зур. Без өч бала, гаиләбез бар яктан да актив. Мәктәптә, балалар бакчасында уздырылган конкурсларда бик теләп катнашабыз. Мәдәни көндәлекне кулыбызга алу белән төрле музейларга йөри башладык.Чепья авылында “Халыклар дуслыгы” туган як тарихы музее, Карадуган авылында Себер тракты тарихы һәм Муса Җәлил музее, Шода авылында Мирхәйдәр Фәйзи исемендәге музей — йорт, Арча районы Яңа Кырлай авылында Габдулла Тукай әдәби мемориаль музей комплексы.

  Мәдәни көндәлек проектында катнашып абыем белән Татнефть аренада уздырылган президент чыршысына бардык.