Минем әнием

Минем әнием Гайфуллина Светлана.Аңа 38 яшь.Ул кибеттә эшли.   

Минем әнием дөньядагы ин матур әни.Ул иң яхшы әни! Мин әниемне бик яратам.Минем әнием сабыр, тырыш, уңган кеше. Әни безне абыем белән мине бик ярата, тигез күрә. Ул безгә тәмле-тәмле ризыклар пешерә, кичен назлап йоклата, ә иртән "кызым" диеп сөеп уята. Ярый әле, әнием, янәшәмдә син бар! Көннәрем син булганга аяз, төннәрем ай-йолдызлы якты. Салкыннарда күңел җылыңны биреп җылытасың, безнең өчен ял димисең, һәрвакыт хезмәт итәсең.

"Балачак − шук чак", диләр. Безнең дә төрле чакларыбыз булгалыйдыр, әнием. Зинһар өчен, безне кичерә күр. Син безне кешеләргә карата шәфкатьле, ягымлы булырга, һәркемгә ярдәм кулын сузарга әзер торырлык итеп үстерергә тырышасың. Рәхмәт, әнием, барысы өчен дә зур рәхмәт! Биргән киңәшләрең тормыш иткәндә юлдаш булсалар иде. Озын гомерле булып, безнең уңышларыбызга сөенеп озак яшәсәң иде, әнием!Әни пешергән ризыкларны татып карасагыз, телегезнет йотарсыз! Алар безнен канатларыбыз.Әни ярдәме белән безнең телебез ачыла, без тәпи басабыз. Ана тырышлыгы ярдәмендә укыйбыз. Әниләрсез без беркемдә тугел. Алар безне саклаучыларыбыз-яклаучыларыбыз. Авыр чакта ярдәм итәләр. Хаталардан алып калалар. Дөрес юлга басырга ярдәм итәләр. Әниләрне сакларга, аларга ярдәм итәргә кирәк. Каршы суз эндәшеп, начарлыклар эшләп йормәскә кирәк.Дөньядагы барлык әниләр дә минем әнием төсле игелекле булуын теләр идем.Мин әниемне хөрмәт итәм, аның йөзенә кызыллык китермәм, олыгайган көнендә терәге булырмын..

                                                                                   Мин әни турында шигырь дә яздым 

                                                                                          Минем әнием бик уңган ,

                                                                                           Тәмле ашлар пешерә .

                                                                                            Тыңламасаң, кайчакта,

                                                                                           Әллә-ли лә, пешерә!

                                                                                           Аның кәефен бозмас өчен

                                                                                            Мин тыңларга тырышам.

                                                                                            Идән юам, себерәм,

                                                                                         Барлык эшкә булышам.