Минем яраткан әнием,әтием!

16 мая 2016 - Залия Набиева

Әти- әни! Кеше өчен иң кыйммәтле, иң кадерле сүзләр бу. Әниең сине күкрәк сөтен имезеп үстергән, әтиең белән икесе төннәрен дә, көндезләрен дә синең өчен борчылган. Алар нинди генә эшкә тотынсалар да − барысы да синең өчен дип, синең хакка дип эшләнә. Әти белән әнидә кояш җылылыгы да, йолдызлар нуры да бар. Ачулансалар, шелтәләсәләр дә, без ул илаһи затларга ачу һәм үпкә сакларга тиеш түгелбез. Чөнки аларның шелтәле сүзләре дә син әйбәт булсын өчен әйтелә. Күңелләребездән, күз алдыбыздан аларның нурлы йөз сурәтләре китмәсен, югалмасын иде. Гомеребез буе әнкәй, әткәйләрнең җылы карашлары безне озата барсын иде.

Әтием - Набиев Ильнар. Ана 35 яшь. Төзүче булып эшли. Кулыннан барлык эштэ килә. Ә әнием- Набиева Сәрия кибеттә эшли. Ана 33 яшь. Эшендә әниемне бик яраталар, хөрмәт итәләр. Безнең гаиләбез бик тату, бик дус.

Мин әти-әниемне бик яратам. Алар безнең терәгебез, халык телендә бик матур әйтем бар: "Әткәй — шикәр, әнкәй — бал."Безнең дә әниебез hәм әтиебез тәмле телле, туры сүзле, иң якты, иң яхшы кешеләр.

 

Бу минем яраткан әнием!

 

 

 

Рейтинг: +34 362 просмотра
Комментарии (37)

tatbook.ru