Конкурс «Твой голос»

Минем көзге каникулларым

2 декабря 2016 - Нияз Галимов

                                                                                  Минем көзге каникулларым

 

           Мин, Галимов Нияз, бөтен каникулларымны файдалы итеп үткәрәм. 1нче класста укыганда, җәй көне без кайларда гына булмадык: Г.Камал театры, Исаково музее, Арча, Кырлай, Кушлавыч, Биектау музейлары, Казандагы Тукай музее, “Бәхетле балачак” музее, Җиңү паркы, Яңа ел тамашалары, Чәчәкләр фестивале һ.б.  2016-2017 нче уку елының беренче каникулы да мәдәни чараларга бай булды.

           2 нче ноябрь көнне без, дәү әтием, дәү әнием, Ләйлә апа һәм аның кечкенә улы Равил, Г.Камал театрына дәү әниемне бүләкләгәнне карарга бардык. Ул татарча сайтлар конкурсында катнашкан иде.  Анда бик күп кешене бүләкләделәр. Артистлар җырладылар, биеделәр. Бик күңелле булды. Минем бу театрга беренче генә килүем түгел инде. Театрның фойесы да бик матур, мин андагы суларга карарга яратам. Театрдан чыккач, без “Бәхетле балачак” музеена киттек. Минем анда булганым бар иде, тагын карыйсым килде. Дәү әти, дәү әниләрнең, әтием белән әниемнең бала вакытта уйнаган уенчыклары, элеккеге радио, телевизор һәм башка әйберләрне карау бик кызык булды.

           5 нче ноябрь көнне мин әтием һәм әнием белән “Казан-Арена” да урнашкан “Зарница” балалар үзәгенә бардым. Анда мин машиналар, велосипед күрдем, бик күп төрле станцияләр бар иде. Бөек Җиңү станциясендәге туннельнең эченнән йөреп карадым. Корабль бар иде анда, эзли торган ком (танклар янында), самолет ясаганнарын күрдем. Космос станциясендә космик ракета, планеталар турында мәгълүмат белдем, скафандр кигән сыман фотога төштем. Юл йөрү кагыйдәләрен тиз генә өйрәнеп, машина йөртү таныклыгы алдым һәм тренажер машинада йөрдем. Төзи торган кирпечләр, агач таяклардан өй җыя торган конструктор күрдем. “Комната смеха” да кәкре көзгеләрдән карап көлдем. Анда мине бүләкләделәр. Мин “Тукай әкиятләрендәге геройлар” республика конкурсында катнашып, 2 нче урын алдым. Г.Тукайның “Бичара куян” шигырендәге куян рәсемен пластилин белән пыялага ясадым, бу эштә әнием булышты. Миңа диплом һәм бүләккә йомшак уенчык – дракон бирделәр, балалар үзәгендә бушлай ял иттерделәр.  Дәү әниемә мине бу конкурста катнаштыруы өчен рәхмәт. Миңа бу балалар үзәгендә бик ошады, тагын барасым килә. Балаларны фәнгә уеннар белән кертү бик кирәк.

      

Рейтинг: +4 139 просмотров

Представленная информация является справочной, уточняйте у источника.


Комментарии (5)

tatbook.ru