ГлавнаяСвободная темаМин конкурста җиңдем.

Мин конкурста җиңдем.

15 ноября 2015 - Ляйсан Хафизова

Һәр кешенең үзе яратып укый торган журналы була. Мин "Салават күпере" журналын бик яратып укыйм. Аны беренче сыйныфка кергәнән башлап алабыз. Журналда төрле конкурслар, сәхифәләр гел булып тора. Мин үзем "җый һәм җиң" конкурсында катнашып җиңүче булдым. Мине әнием белән Казанга редакцияга чакырдылар һәм вәгъдә ителгән бүләк — планшет тапшырдылар. Мин бу бүләккә  бик сөендем. Әлеге конкурста мин Сарман районыннан үзем генә катнаштым. Кәдерле дусларым, әгәр дә язылмаган булсагыз, "Салават күпере" нә язылыгыз, үкенмәссез! Аның һәрбер саны сувенир белән килә. Бик кызыклы һәм файдалы журнал.

Редакцияда эшләүче Гөлназ, Ландыш, Гүзәл, Әлфия апаларга бик зур рәхмәт, алар мине журналның ничек эшләнүе белән таныштырдылар. Мин барысын да үз күзләрем белән күреп кайттым. Аларга зур уңышлар телим һәм яңадан-яңа конкурслары белән безне сөендереп торсыннар.

Рейтинг: +25 270 просмотров
Комментарии (25)

tatbook.ru