ГлавнаяСвободная темаӘниләребезнең кадерен белик!

Век Татарстана

Әниләребезнең кадерен белик!

7 декабря 2015 - Разиля Ханова

Әниләребезнең кадерен белик!

                                                                                 Сөекле әниемнең

                                                                                Борчыгандыр җанын

                                                                                Күңелемнең көйсез һәр чагы.

                                                                                Еласам, юаткан,

                                                                                Иркәләп  уяткан

                                                                                Әниемнең җылы кочагы.

                                                                                                                    Әнвәр Бәширов.

Ана! Нинди бөек исем!Һәркемнең күңеле өчен иң бөек, иң кадерле, иң газиз, иң саф, иң  чиста нәрсә ул! Безне иртән мәктәпкә барырга иркәләп уятучы, озатучы, каршы алучы ул-әнием!

Әни, туган авыл, туган ил!Әни һәм туган үскән җир безне карап үстерүче, кеше итүче.Кая гына барсак  та, без әниебезне, туган авылыбызны, туган илебезне сагынып кайтабыз.

Әниләребез турында безнең шагыйрьләребез күпме шигырьләр, композиторларыбыз күпме көйләр язганнар.Аларның шигырьләрендә, көйләрендә,җырларында әниләребезгә булган сагыну хисләре, сагышлары, моңнары, яратулары әйтеп бетергесез яңгырый.Ана, авыл, туган ил турында нинди генә язманы укысаң да күңелләр тула.

Кеше кайда гына булса да,үзенең әнисен, кендек каны тамган туган авылын, туган илен сагына.

Мин дә әниемне бик яратам.Әниемнең әйткән сүзләрен тыңлыйм, аңа булышам, авырлыклар китермәскә тырышам, тырышып укыйм.    

Телевизордан яңалыклар тыңлаганда, хәзерге вакытта да күп, илләрдә сугыш утлары кабынып торуын күрәбез, күпме аналарның, сабыйларның күз яшьләре, каны коела, шәһәрләр, авыллар җимерелә.

Мин җир шарында бер генә ананың да, сабыйларның да, бер генә кешенең дә күз яшьләре түгелүен теләмим!

Күкләребез чиста, атар таңнарыбыз аяз булсын, каннар, күз яшьләре түгелмәсен!

Язмамны шагыйрь Роберт абый Миңнуллин сүзләре белән тәмамлыйсым килә:

                                                         Гөлләр чәчәк атсын өчен,

                                                         Бәхет шатлык артсын өчен

                                                         Әни кирәк,әни кирәк.

                                                         Иң кадерле кеше җирдә

                                                         Әни димәк.

 

Рейтинг: +49 397 просмотров
Комментарии (21)

Культурный дневник школьника

Портал «Культурный дневник школьника» поможет тебе познакомиться с культурными событиями и объектами. Зарегистрировавшись на портале, поделись своими впечатлениями от посещений музеев, театров, выставок и библиотек. Присылай свои фотографии и рисунки. Познакомься с условиями и участвуй в конкурсе в номинациях: «Лучший культурный дневник школьника», «Самый культурный родитель».

tatbook.ru