Сакла

Җиңү язы

7 декабря 2015 - Ислам Ханов

Ап-ак карлы, салкын җилле, буранлы кышлардан соң яз килә.Яз килүгә бөтен тереклек иясе сөенә ,

җанлана.Кояш үзенең җылы нурларын җиргә чәчә.Карлар эри,җир ачыла, тып-тып итеп тамчылар тама.Ишек алларында гөрләвекләр җыелып тора.Яз килгәнгә сөенеп, гөрләвекләрдә, чыр-чыр килеп чыпчыклар коеналар.Аларны күзәтеп торсаң бик кызык!

Яз үзенең  шифалы сулышы белән бөтен дөньяны уята.Басуларда, кырларда, урманнарда, тау битләрендә карлар эреп беткәч, яшел үләннәр шытып чыга башлый.Тау битләре ямь-яшел хәтфә юрганнарын ябына.Агачлар бөреләрен чыгаралар.Бөтен җирдә саф һава бөркелә.

Язгы иртәдә бакчага чыксаң андагы матурлыкка, моңга исең китә! Агачлар ап-ак чәчәкләргә төренәләр.Су буенда талларда кошлар сайравы, кәккүк кычкыруы ишетелә, чәчәкләрдән чәчәкләргә кунып бал кортлары гөжлиләр, очалар.Әйтерсең лә үзе бер концерт!

Мин язның килүенә бик шатланам, сөенәм.Ул безгә Җиңү язын алып килгән яз! Күпме халыкның 70 ел элек тә көтеп алган Җиңү язы бит ул!

Рейтинг: +48 358 просмотров
Комментарии (23)

tatbook.ru