ГлавнаяМой родной крайЯраткан авылым

Век Татарстана

Яраткан авылым

2 ноября 2015 - Алмаз Мингулов

Яраткан авылым

       Минем туган авылым- Салагыш. Ләкин үз авылымнан ерак та түгел урнашкан әниемнең туган авылын Уразайны да туган авылым кебек яратам, үз итәм. Ял көннәремне  Уразайда әбием белән бабам янында үткәрәм. Ул республикабызның иң читтәге районнарының берсе – Әгерҗе районы составына керә. Табигате белән матур як ул Уразай яклары. Уразайны урман уратып алган. Авыл кырыеннан гына Әҗәү елгасы челтерәп ага. Мин кечкенәдән үк Уразай авылының куе урманнарын, елгасын, кайнар комнарын, табигатен күреп үстем һәм хәзер дә сокланам.

       Уразай авылы зур түгел. Анда сиксәнләп кенә хуҗалык. Мин авылыма гына сокланмыйм, ә кешеләренә дә сокланам. Тырыш, хезмәт сөючән, яхшы күңелле кешеләр күп безнең авылда. Авылымда алдынгы балта осталары, тракторчылар, терлекчеләр яши. Комбайнчы, тракторчы абыйларның, ындыр табагында ашлык җилгәрүче, ипи пешерүче апаларның тырышлыгы белән үстерелгән, безнең табыныбыз күрке булган икмәкнең кадерен белергә кирәк. Бездә аларга кулдан килгәнчә ярдәм итәргә тырышабыз. Авылымның уңдырышлы туфрагында арыш, борчак, арпа, солы, бәрәңге    күкрәп үсә.          

      Авылым елдан – ел яңара, матурлана. Күптән түгел генә яңа мәчет, мәдәният йорты һәм медпункт ачылды. Авылыбызда башлангыч мәктәп һәм балалар бакчасы бар.

Урманнарында каен, имән, чыршы, нарат, усак, карагай, карама агачлары үсә. Аеруча каен урманнары бик матур.

 

Җәен без урманга җиләк, гөмбә җыярга барабыз. Уразай авылында төрле бәйрәмнәр дә билгеләп үтелә. Туган ягыбыз, авылыбыз, һәркемгә дә газиз, җаныма якын. Мин авылымны яратам.   

 

Рейтинг: +19 215 просмотров
Комментарии (23)

Культурный дневник школьника

Портал «Культурный дневник школьника» поможет тебе познакомиться с культурными событиями и объектами. Зарегистрировавшись на портале, поделись своими впечатлениями от посещений музеев, театров, выставок и библиотек. Присылай свои фотографии и рисунки. Познакомься с условиями и участвуй в конкурсе в номинациях: «Лучший культурный дневник школьника», «Самый культурный родитель».

Вход/Регистрация

Вход на сайт / Регистрация

Популярные статьи

Нет статей для отображения.

tatbook.ru