ГлавнаяЛитератураБаланлы авылы китапханәсендә.

Баланлы авылы китапханәсендә.

1 декабря 2015 - Ислам Ханов

 Мин китапханәгә йөрергә, китаплар укырга бик яратам.Безнең китапханәдә төрле-төрле стендлар эленеп тора: ватанга багышланган,Җиңүнең 70 еллыгы турында, ветераннар почмагы, якташыбыз Харрас Әюп иҗатына багышланган һәм башкалар.

 Һәр укыган китабым миңа яңалыклар алып килә, белем өсти.Көзге каникулда мин  тагын бер кат Габдулла Тукай әкиятләрен, шигырьләрен укып чыктым.Габдулла Тукайның китаплары безне яхшылыкка, матурлыкка, шәфкатьле, гадел булырга, туган илебезне, туган телебезне яратырга өнди.

Тырышып уку өстенә мин үзем дә шигырьләр язгалыйм.Менә китап турында бер шигырем.

                                                  Китап-белем чишмәсе.

                         Китап-белем чишмәсе,

                         Мин яратам аны укырга.

                         Кереп китәм сихри дөньяга,

                         Кара урманнарга, кырларга.

                         Килеп чыгам сахра-чүлләргә,

                         Менеп китәм биек тауларга,

                         Йөзеп китәм диңгез, океаннарга,

                         Кирәк икән очам айга да.

                         Әкият дөньясыннан җиргә төшкәч,

                         Булып китә бераз ямансу.

                         Кулыма уку китабын алып,

                         Кереп китәм белем чишмәсенә

                         Мин Ислам исемле малай ич!

Рейтинг: +37 407 просмотров
Комментарии (12)

tatbook.ru