Минем иҗат

Әле мәктәпкә укырга кергәнче үк мин һәрвакыт клуб, мәктәп түбәсендә ике әләм җилфердәгәнен күрә идем.Без, дусларым белән уйнаганда гел аңа игътибар итә һәм аның турында сөйләшә идек. Балалар бакчасында тәрбияче апа безгә әләм рәсемен дә ясаткан иде әле.
Мәктәптә укый башлагач мин бу турыда тагын да күбрәк белдем.Һәр илнең әләме,туграсы,гимны булганын һәм аларның дәүләт символлары дип аталганын аңладым.Без сыйныфташларым белән тугра һәм әләмнәрен иҗат иттек.Берничә вариант килеп чыкты.
Мин үзем ясаган туграга тукталып китәм.Туграда кояш һичшиксез булырга тиеш дип саныйм мин. Ул -яктылык билгесе,авылымның киләчәге якты булырга, ул яшәргә тиеш! Еракта җиләкле тавы күренеп тора, тау һәм җиләк-авылмның визит карточкасы. Китап һәм каурый кәлам авылымның гомер буе мәктәпле,мәдәниятле-мәгърифәтле булуын аңлата.Ә юкә агачы- чабата ясау чыганагы булган,халкымны туендырган, ул шулай ук матур яшеллеккә бай табигатьне аңлата.Туграны ике яктан кочаклап торучы башаклар авылымда игенчеләр яшәве турында сөйли.
Авылымның әләменә мин өч төс сайладым: яшел,ак, зәңгәр. Зәңгәр- су, чишмәләр төсе, яшел- табигать, ак-чисталык һәм тынычлык билгесе. Уртада юкә агачы, аны элек-электән халкым үз һөнәренә чимал итеп файдаланган. Юкә яфраклары йөрәккә охшаш, Мәлем халкы киң күңелле, ачык йөзле, олы йөрәкле дигәнне аңлата. Мин ясаган авылым туграсы .
Мин ясаган авылым әләме
Без Ялчыгол оныклары.
Безнең авылда мәдәниятле-мәгърифәтле халык яши.
Гури дәдәй туган төбәктән без,
Аяз ага туган төбәктән,
Алар килә рәттән, килә алар-
Ялчыголы белән беррәттән
Ә без менә шушы төбәктән.- дип язган якташыбыз Мөдәрис Әгъләмов.
Авылымның иң зур байлыгы- аның талантлы һәм хезмәт сөючән халкы. Мәлем авылы милләтебезнең мактанычы булырлык ул һәм кызлар үстергән.
18 гасырның танылган язучысы, галим Таҗетдин Ялчыгол безнең авылда белем биргән, табиблык иткән, бүген дә аның нәсел дәвамчылары авылыбызда яши, республика һәм дөньяның төрле илләрендә гомер итә.Инде берничә ел рәттән Зәй шәһәрендә республика күләмендә "Ялчыгол укулары" үткәрелә.Быел Ялчыгол истәлегенә Зәй шәһәрендә Истәлекле билге ачылды. Мин дә дусларым белән анда чыгыш ясадым. 18 гасырның танылган язучысы, галим Таҗетдин Ялчыгол
Мин дусларым белән "Ялчыгол укулары"нда.