Тату сыйныф серләре Секреты дружного класса

21 нче ноябрь көнне мәктәбебездә бик зур чара булды. Ул класс ата-аналар комитеты эшчәнлеген чагылдырган бәйге иде. Бәйгедә Аксу урта мәктәбе кустындагы 5 мәктәптән класс ата-аналар комитеты членнары катнашты. Алар 3 номинациядә ярыштылар: визитка, класс ата-аналар комитеты белән мәктәп, балалар эшчәнлеген чагылдырган газета-плакат, выставка; видеоролик. Бәйге бик эчтәлекле, җанлы һәм күңелле булды. Һәр команда үзенчәлекле итеп чыгышлар ясады. Чыгышларны районда тәрбия эшләре буенча җаваплы методист Раиса Петровна җитәкчелегендәге 3 кешедән торган жюри бәяләде. Нәтиҗәдә Аксу мәктәбенең 7 нче сыйныф ата-аналар комитеты командасы, искиткеч чыгышлар ясап, “алтын” икенче урынга лаек булдылар. Афәрин!