Алан-Елга авылы....

Сүз Саба районы Алан-Елга авылы турында...
Элек урманнар бик күп булган. Кешеләр урманнарны кисеп, төпләрне алып яндырганнар. Шушы җирләрдә бик күп көл барлыкка килгән. Аннан соң шушы җирләрдә чәчүлекләр ясаганнар, кеше елга буйларына килеп яши башлаганнар. Кеше эшчәнлеге ярдәмендә аланнар, болыннар барлыкка килгән. Шуның өчен дә авылны Алан-Елга дип атаганнар.
Алан-Елганың иң беренче төзелгән урамын аргы оч, түбән оч дип атыйлар. Авылның икенче урамы "Комсомол" исеме астында йөри, хәзер аны аргы як диләр. Хәзерге Совет урамы кешеләренең бакча башларында түбән уенлык булган. Бу уенлыкта элек яшьләр уйнаган, хәзер анда торле-торле агачлар, куаклар үсә.
Авыл бик матур урынга, тирә-яктан, очарга торган шикелле таулар астына урнашкан.
Авылда почта, мәктәп, мәчет, клуб, китапханә, авыл советы, балалар бакчасы, медпункт, кибетләр һәм башкалар бар.
Көмеш айлы манара,
Охшап кыя тауларга.
Ерактан балкый,
Көмеш айлы манара,
Җиргә моңнар тарала.
Алан-Елга авылы, минем әтиемнең, туган авылы. Мин анда һәрвакытта да кайтып йөрим.