Минем яраткан шәгылем!

Һәрбер кешенең үзе яраткан шөгыле була. Кемдер компьютер уеннары белән мавыга,кемдер төрле уенчыклар, маркалар җыю белән шөгыльләнә,ә кемдер музейларга,китапханәләргә,төрле истәлекле урыннар белән кызыксына.
Ә мин нәрсә эшләргә яратам, нәрсә белән кызыксынам соң? Мин китап укырга яратам, ә иң яраткан шөгылем – спорт. Әлбәттә, спорт белән яшьләр һәм өлкәннәр бик теләп шөгыльләнә. Мин спорт турында барлык яңалыклар белән танышып, телевизордан төрле уеннар,ярышларны карап барам. Газета - журналлардан спортсменнар турында укыйм.
Мәктәптә физкультура дәресләрен бик көтеп алам. Без дәрестә уеннар уйныйбыз, укытучыбыз төрле күнегүләр ясата. Минемчә ,һәрбер кеше үз сәламәтлеге турында кечкенәдә кайгыртырга,аны сакларга тиеш.
Мин балалар бакчасына йөргән чактан ук тимераякта шуу белән кызыксынам. Әле бүгенгедәй хәтерлим, ничек итеп беренче тапкыр тимераякка басуымны һәм шул көннән башлап тимераякта шуу белән кызыксына башладым. Киләчәктә дә шушы шөгылемне фигурист һөнәре белән бәйләрмен дип уйлыйм.