Лилия Садриева "Тик синдә каламын, Мөслимем"

Күңелем нигәдер ашкынып
Көтә гел Мөслимем язларын.
Яшәргә сүрелмәс дәрт биргән
Язларның иң дәртле назларын.
Гомерләр язлардан башлана
И, язмыш, читләргә ташлама.
Мин калам Мөслимем язында
Төренеп иң татлы назына.
Аклыкка, сафлыкка төренеп
Ничә кыш кышладым мин синдә.
Кышларның энҗедәй аклысы
Ягымлы, назлысы Мөслимдә.
Гомерне ак төсләр ямьлиләр,
Күңелгә якын ич кышың да.
Китмимен ямь эзләп еракка
Гомерем башланган шушында.